محمد الساري
ها يروحي اليوم ما مرتاحة حيل
و ها يكلبي اليوم جن مابيك حيل
و ها يعافيتي الصبر هذا الصباح
شلون فهميني اذا مراج ليل
هاي روحي تحن عليك
و هايروحي تريد اهلها
تريد دمعة و جفني
يابس
راح اهل جفوني كلهه
و رايح ابجي عضام
لو مامش لحم
ويطيح لجلك
من تغيب توجعني
عبنك بنج لجروحي
و هايه روحي
تريد تطلع
و لا هي طلعت لا تهيد
و كلبي بدكات يخلع
شكو عضمة و يكطع
بنبضه الوريد
و حيل مابيه عليه
و خلكي مال
و روحي ما ادري شتريد
كبال جامات الشوارع
جيت اباوع شفت
روحي استغربيت
و كلت لا مو هذا انه
كملت دربي و مشيت
و بالدرب غمضت عيني
و بعد ما ادري شحجيت
سكته لنهه الدنيه تطفى
و حس روحي تعلكيت
سنين مرت و انه متلولح
و ضايع و وين ما وين شصفيت
هاي جلمات سمعتهه
بصوت صاحب و من وكتهه
شوي وعيت
و عرفت من السوالف
جنت ادك و لطم عليه
ومن زمان الشفت
البي وجهي و نكرته
و ماعرفته تسودنيت
و من دريت
صحت جيبولي المراية
و من اجتني تلمسيت
ثاري يانه كثر ما باجي عليه
طاحت عيوني و عميت
