فالح العشب
عود اعاتب عود اكلك هاي ليش
مالت الله البيك جانت رايحه
لا وحقك لو تعيش بعيني هاي
بس اشوفك گول عاد الفاتحه
وانه كاع هواي مدفونه بثراي
هواي وادم بيه مثلك طايحه
والله ندمه وما عرفتك من زمان
الحجي جاني وزعلاني البارحه
ليلي كله ولصبح ضليت الوب
روحي ترفه وسواليفك جارحه
غالي گالت وقنعتها الغالي راح
روحي زاد وعشره كلش مالحه
طفله چنها وعلمتها انوبه عيب
عيب ياهو اليعتنيها تصافحه
شوف دربك وانه شديت الرحال
روحي وادم من جنابك نازحه
